Қарори Президенти Ҷумҳурии Ӯзбекистон
ДАР БОРАИ ЧОРАҲО ОИД БА ТАТБИҚИ ЛОИҲАИ «РУШДИ ИНФРАСОХТОРИ ДЕҲОТ» БО ИШТИРОКИ АССОТСИАТСИЯИ БАЙНАЛМИЛАЛИИ РУШДИ БОНКИ УМУМИҶАҲОНӢ ВА БОНКИ ОСИЁИ САРМОЯҲОИ ИНФРАСОХТОРӣ
Бо мақсади баланд бардоштани маданияти маишии аҳолӣ бо роҳи куллан нав кардани қиёфаи меъмории нуқтаҳои аҳолинишини деҳот, рушди маҷмӯъии минтақаҳо, сохтмони инфрасохтори роҳу нақлиёт, шабакаҳои муҳандисиву коммуникатсионӣ ва объектҳои соҳаи иҷтимоӣ:
1. Ба эътибор гирифта шавад, ки:
17 январи соли 2020 байни Ҷумҳурии Ӯзбекистон ва Ассотсиатсияи байналмилалии рушди Бонки умумиҷаҳонӣ (минбаъд – Ассотсиатсия) ба маблағи 100 миллион доллари ИМА, инчунин 28 майи соли 2020 – бо Бонки осиёии сармояҳои инфрасохторӣ (минбаъд – Бонк) ба миқдори 82 миллион доллари ИМА оид ба лоиҳаи «Рушди инфрасохтори деҳот» (минбаъд – Лоиҳа) ба муҳлати 30 сол бо давраи панҷсолаи имтиёзнок созишномаҳои қарзӣ (вомӣ) ба имзо расиданд;
ҳиссаи Ҷумҳурии Ӯзбекистон дар татбиқи лоиҳа ба миқдори 1,6 миллион доллари ИМА ташкил медиҳад;
лоиҳа дар 21 минтақаи аз ҷиҳати рушди иқтисодӣ ва иҷтимоӣ қафомондаи вилоятҳои Фарғона, Андиҷон, Намангон, Сирдарё ва Ҷиззах татбиқ карда мешавад;
муҳлати татбиқи лоиҳа панҷ сол (солҳои 2020-2024)-ро ташкил медиҳад.
2. Муқаррар карда шавад, ки:
Вазорати рушди иқтисодӣ ва коҳиш додани камбизоатӣ мақомоти иҷроия ба ҳисоб рафта, барои татбиқи саривақтӣ ва мутобиқсозии лоиҳа, инчунин истифодаи мақсаднок ва самарабахши кредитҳои Ассотсиатсия ва бонк масъул мебошад;
тамоми ташкилотҳое, ки дар татбиқи лоиҳа иштирок мекунанд, ба талаботи механизмҳо, ки дар созишномаҳои қарзӣ (вомӣ)-и имзошуда нишон дода шудаанд, риоя менамоянд;
дар доираи татбиқи лоиҳа хароҷоти ба пӯшондани вомҳои Ассотсиатсия ва Бонк марбут, инчунин аз рӯи онҳо гузарондани фоизҳо ва пардохт барои хидматҳо ва дигар пардохтҳо, аз ҳисоби маблағи Буҷаи давлатии Ҷумҳурии Ӯзбекистон пӯшонда мешавад.
3. Инҳо тасдиқ карда шаванд:
параметрҳои асосии техникиву иқтисодии лоиҳаи «Рушди инфрасохтори деҳот» мувофиқи замимаи №1;
ҷадвали пешгӯии пӯшондани қарзи асосӣ фоизҳои аз рӯи онҳо гузарондашуда ва дигар пардохтҳо аз рӯи вомҳои Ассотсиатсияи байналмилалӣ ва Бонки Осиёи сармояи инфрасохторӣ дар доираи лоиҳаи «Рушди инфрасохтори деҳот» мувофиқи замимаҳои №№2 ва 3;
«Харитаи роҳ» оид ба истифодаи маблағҳо дар доираи лоиҳаи «Рушди инфрасохтори деҳот» бо иштироки Ассотсиатсияи байналмилалии рушди Бонки умумиҷаҳонӣ ва Бонки Осиёи сармояҳои инфрасохторӣ мувофиқи замимаи №4.
4. Ба эътибор гирифта шавад, ки мувофиқи қонунгузорӣ дар доираи лоиҳаҳо, ки аз ҳисоби қарзҳои институтҳои байналмилалии молиявӣ ва қарзҳои ташкилотҳои ҳукуматӣ татбиқ мешаванд:
гардиш оид ба фурӯши молҳо (хидматҳо), ки шахсони ҳуқуқӣ харидаанд, агар ин лоиҳаҳо аз ҷониби ташкилотҳои молиявии байналхалқӣ ва хориҷии ҳукуматӣ то 1 июли соли 2020 маъқул дониста шаванд, андози арзиши иловагӣ ва андози аксизӣ ситонда намешавад;
молҳое, ки шахсони ҳуқуқӣ аз ҳисоби маблағҳои мазкури қарзӣ ба қаламрави гумрукӣ ворид мекунанд, аз боҷи гумрукӣ озод карда мешаванд;
маблағҳое, ки дар натиҷаи ин имтиёзҳо сарфа шудаанд, саҳми Ҷумҳурии Ӯзбекистон дар татбиқи лоиҳа дониста мешаванд.
5. Вазорати рушди иқтисодӣ ва коҳиш додани сатҳи камбизоатӣ (А.Ҷ.Ортиқов) якҷоя бо Вазорати оид ба дастгирии маҳалла ва оила (Р.Т.Маматов) дар доираи лоиҳа барои беҳтар намудани фазои иҷтимоӣ ва маънавӣ дар байни аҳолӣ, дастгирии минбаъдаи муассисаҳои маҳалла ва ташкили ҳамкории доимӣ дар самти ба сатҳи нав баровардани системаи кор бо оила ва занон чораҳои зарурӣ андешанд.
6. Муқаррар карда шавад, ки дар доираи лоиҳа:
пас аз муайян кардани деҳаҳо дар ҳар як вилоят ба тартиби муқарраргардида ҳисобҳои техникиву иқтисодӣ таҳия карда мешаванд ва дар мақомоти экпертиза, экспертизаи лоиҳа оид ба татбиқ аз рӯи зерлоиҳаҳои дахлдори ҳар як вилоят ба нақша гирифта шудаанд;
ширкатҳои инжинирингии «Хидмати фармоишгари ягона»-и назди ҳокимиятҳо и вилоятҳои Фарғона, Андиҷон, Намангон, Сирдарё ва Ҷиззах фармоишгарон ба ҳисоб мераванд;
байни Гурӯҳи татбиқи лоиҳа ва ширкати инжинирингии «Хидмати фармоишгари ягона» созишномаҳои шарикӣ ба имзо мерасанд.
7. Вазорати корҳои дохилӣ П.Р.Бобоҷонов оид ба дархости Вазорати рушди иқтисодӣ ва паст кардани сатҳи камбизоатӣ дар муҳлати кӯтоҳ расмигардонӣ, додан ва дароз кардани раводидҳои бисёрвақта, инчунин бақайдгирии муваққатӣ ва тамдиди онро дар Ҷумҳурии Ӯзбекистон барои мутахассисони хориҷӣ, ки дар татбиқи лоиҳа иштирок мекунанд, таъмин намояд.
8. Палатаи ҳисоб (Б.Т.Турабов) дар доираи лоиҳа барои мақсаднок ҷудо кардан ва харҷи маблағ назорати доимӣ муқаррар намояд ва дар ҳар ним сол ба Маъмурияти Президенти Ҷумҳурии Ӯзбекистон маълумот тақдим намояд.
9. Агентии оид ба мубориза бо коррупсия (А.Э.Бурхонов) барои таъмини рӯшодӣ ва шаффофияти истифодаи мақсадноки маблағҳои дар доираи лоиҳа ҷудошуда назорати доимӣ муқаррар намояд.
10. Бо мақсади таъмини татбиқи самарабахш ва саривақтии чорабиниҳо, ки бо қарори мазкур муайян шудаанд:
а) муовини Сарвазир Ҷ.Қӯчқоров:
дар муҳлати як ҳафта бо иштироки иҷрокунандагони масъул ҷамъомад баргузор намуда, вазифаҳои мушаххаси онҳоро муайян кунад;
дар муҳлати ду ҳафта якҷоя бо ҳокимиятҳои вилоятҳои Фарғона, Андиҷон, Намангон, Сирдарё ва Ҷиззах оид ба истифодаи маблағҳо дар доираи лоиҳа дар қисмати минтақаҳо «Харитаи роҳ» таҳия намояд ва тасдиқи онҳоро дар шӯроҳои депутатҳои халқи вилоятӣ ва ноҳиявӣ таъмин кунад;
якҷоя бо вазорату идораҳои дахлдор, инчунин ҳокимиятҳои маҳаллӣ оид ба баланд бардоштани ихтисоси мутахассисони барои татбиқи лоиҳа масъул бо ҷалби мушовирони хориҷӣ тренингҳои таълимӣ ташкил намояд;
аз рӯи ҷамъбасти ҳар як семоҳа ба Девони Вазирон дар бораи зерлоиҳаҳои маблағгузоришаванда, инчунин натиҷаҳои мониторинги татбиқи босифати онҳо маълумот тақдим намояд;
сохтори Гурӯҳи татбиқи лоиҳаи «Рушди инфрасохтори деҳот»-ро тасдиқ намояд ва фаъолияти онро ба роҳ монад;
бо суратҳисобҳои алоҳида дар бонки тиҷоратии шаҳри Тошканд гурӯҳи пешбар оид ба татбиқи лоиҳа, инчунин дар шаҳри Намангон гурӯҳи байниминтақавӣ оид ба татбиқи лоиҳа барои вилоятҳои Фарғона, Андиҷон ва Намангон, дар шаҳри Ҷиззах – барои вилоятҳои Сирдарё, Ҷиззах созмон диҳад;
дар давраи татбиқи лоиҳа дар мувофиқа бо Вазорати молия хароҷот барои маблағгузории гурӯҳи татбиқи лоиҳаро тасдиқ намояд.
Ба муовини Сарвазир Ҷ.Қӯчқоров ҳуқуқи ворид намудани тағйироту иловаҳо ба ҷадвали татбиқ ва маблағгузории ҷузъҳои лоиҳа бо назардошти тамоюлҳои ҳифзи иҷтимоӣ ва экологӣ ва сиёсати кӯчондани Бонки ҷаҳонӣ, инчунин дар замимаҳое, ки бо қарори мазкур тасдиқ мешаванд, дода шавад;
б) ҳокимиятҳои вилоятҳои Фарғона (Х.Х.Бозоров), Андиҷон (Ш.К.Абдураҳмонов), Намангон (Ш.Ш.Абдураззоқов), Сирдарё (Ғ.Ғ.Мирзаев) ва Ҷиззах (Э.А.Салиев) ба тартиби муқарраргардида коркарди хушсифати ҳуҷҷатҳои заруриро барои татбиқи пурраи лоиҳа ва сари вақт то гурӯҳҳои татбиқи лоиҳа расондани онҳо таъмин намоянд.
11. Ҳокимиятҳои вилоятҳои Фарғона (Х.Х.Бозоров), Андиҷон (Ш.К.Абдураҳмонов), Намангон (Ш.Ш.Абдураззоқов), Сирдарё (Ғ.Ғ.Мирзаев) ва Ҷиззах (Э.А.Салиев) барои рушди маҷмӯъии деҳот чорабиниҳои берун аз иншоот амалишавандае, ки дар доираи лоиҳа маблағгузорӣ мешаванд, дар асоси нақшаи муфассали лоиҳа ва дигар маблағҳое, ки қонунгузорӣ манъ накардааст, татбиқ намоянд.
12. Барои ташкили самарабахши иҷрои қарори мазкур масъулияти шахсӣ ба зиммаи муовинони Сарвазири Ҷумҳурии Ӯзбекистон А.Ҷ.Раматов ва Ҷ.А.Қӯчқоров гузошта шавад.
Баррасии семоҳаи иҷрои қарори мазкур, ҳамоҳангсозӣ ва назорати фаъолияти идораҳои масъул ба зиммаи Сарвазири Ҷумҳурии Ӯзбекистон А.Н.Арипов ва мушовири Президенти Ҷумҳурии Ӯзбекисон Р.А.Ғуломов гузошта шавад.
Ба муҳлати то 1 июни соли 2021 ва то 15 декабри соли 2021 Президенти Ҷумҳурии Ӯзбекистон дар бораи самарабахшии чорабиниҳои амалишаванда хабардор карда шавад.
Президенти Ҷумҳурии
Ӯзбекистон Ш.МИРЗИЁЕВ
Шаҳри Тошканд,
25 ноябри соли 2020.
