Ҳар рӯзе, ки орому осуда ва бехатар паси сар менамоем, бароямон ид аст.
Дар рӯзи аввали баҳор Шоираи халқии Ӯзбекистон Зулфияхонум таваллуд ёфтааст, ки ӯ худ тараннумгари бахту баҳор ва саодату садоқат аст.
Дар «Хиёбони адибон»-и Боғи миллии ба номи Алишер Навоии пойтахт чорабинии маърифатӣ ба муносибати 107-солагии шоира Зулфия, ки ба тимсоли меҳру садоқат ва миллионҳо бонувони Ӯзбекистон табдил ёфтааст, баргузор гардид.
Ин чорабинӣ бо номи «Ин боғҳо ҳоло боғе мегарданд» баргузор гардид, ки дар он шоирону нависандагон, адабиётшиносону бонувони фаъол, наздикони Зулфияхонум, шогирдони ӯ ва намояндагони васеи ҷамъият иштирок намуданд.
Дар он таъкид шуд, ки эҷод, фаъолияти босамар ва ибратбахш, мероси маънавии шоира, хотираҳои ибратбахшаш ҳамеша мавриди эътибори халқамон мебошад.
Раиси Иттиҳодияи нависандагони Ӯзбекистон, шоири халқӣ Сироҷиддин Саййид дар бораи он сухан ба миён овард, ки шоира ҳаёти хеле шуҷоатноку боматонатро тай намуда, дар аснои эҷод бинобар заҳматаш ҳамон маликаи шеърияти Ӯзбекистон аст.
Воқеан дар мамлакатамон ба сифати идомаи узвии эътибор ба эҷоди Зулфия ба бонувони эҷодкор аз ҳар ҷиҳат дастгирии роҳбари давлат ва эътибори доимӣ зоҳир мегардад.
– Суханоне, ки шоира Зулфия нагуфтааст, дар шеъру достонҳо ва тарҷумаҳояш хеле ба шеваи зебо акс ёфтаанд,– гуфт шоира ва журналист Қутлибека Раҳимбоева. – Эҷоду ҳаёти Зулфияхонум барои ҷавонон чун мактаби сабақ хидмат менамояд.
Дар он ба як гурӯҳ духтарони эҷодкор, ки дар соҳаи адабиёт пажӯҳиш мебаранд, ҳадяҳои Иттиҳодияи нависандагони Ӯзбекистон супурда шуд.
– Агарчи дар мавзӯи таъмини бехатарии ахбори веб-сайтҳо кори илмӣ мебарам, ҷонфидоӣ ва аз пажӯҳиш хаста нагардидани шоира барои мо ибрат аст, – гуфт барандаи Ҷоизаи давлатии ба номи Зулфия, магистранти Академияи байналхалқии исломӣ Сайёра Раҳимова.
Ректори Академияи тиббии Тошканд Алишер Шодмонов таъкид кард, ки «Хиёбони адибон», ки бо ташаббуси Президент барпо гардидааст, барои боз ҳам афзудани меҳру шавқашон, таваҷҷӯҳи ҷавонон ба адабиёт ва шеърияти миллӣ хидмат менамояд. Омӯзиши эҷоди шоира, тарғиби он корҳои амалии ӯ бурда мешаванд. Стипендияи махсуси ба номи Зулфия, ки аз ҷониби Академияи тиббии Тошканд таъсис ёфтааст, дар ҳамин ҷо ба донишҷӯдухтарони пешқадам супурда шуд. Ғолибони озмуне, ки аз рӯйи эҷоди шоира баргузор шуда буд, тақдир гардиданд.
Дар охир ба пояи ҳайкали Зулфияхонум гулчанбарҳо гузошта шуд.
Назокат УСМОНОВА,
мухбири ӮзА.
Суратгир:
А. АБДУЛЛОЕВ (ӮзА).
