Президент Садир Жапаров ба қонун «Дар бораи ратификатсияи Созишномаи байни Девони Вазирони Қирғизистон ва Ҳукумати Ӯзбекистон дар бораи ҳамкорӣ дар соҳаи пешгирӣ ва рафъи ҳолатҳои фавқулоддаро, ки 27 январи соли 2023 дар шаҳри Бишкек ба имзо расидааст, имзо кард.
Лоиҳаи қонун аз ҷониби Ҷогорку Кенеш 29 ноябри соли 2023 қабул шудааст. Тавре аз хидмати матбуоти Президент хабар доданд, қонун бо мақсади иҷрои расмиёти дохилидавлатӣ, ки барои эътибор пайдо кардани Созишномаи мазкур зарур аст, қабул шудааст.
Созишнома ба ташкили ҳамкорӣ дар соҳаи пешгирӣ ва рафъи ҳолатҳои фавқулодда, коҳиш додани хатари офатҳои табиӣ, таъмини омодагӣ ва вокуниш ба ҳолатҳои фавқулодда, инчунин расонидани кумаки мутақобила дар рафъи оқибатҳои ҳолатҳои фавқулоддаи хусусияти табиӣ ва техногенидошта нигаронида шудааст.
Созишнома инчунин имкон медиҳад, ки масъалаҳои марбут ба рафъи оқибатҳои ҳолатҳои фавқулодда якҷоя ва таъҷилӣ ҳал карда, табодули таҷриба, иттилоот ва технологияҳо анҷом дода, инчунин дар муассисаҳои таълимии ду кишвар мутахассисон дар соҳаи идоракунии ҳолатҳои фавқулодда омода карда шаванд, дар соҳаи ҳифзи аҳолӣ ва худудҳо аз ҳолатҳои фавқулоддаи табиӣ ва техногенӣ ба манфиати халқҳои Қирғизистон ва Ӯзбекистон лоиҳаҳои муштарак гузаронда шаванд.
Қонун аз рӯзи интишори расмиаш эътибор пайдо мекунад.
