Ба мақсади минбаъд баланд бардоштани иқтидори сайёҳии ҷумҳурӣ, фароҳам овардани инфрасохтори сайёҳии инноватсионӣ ва ташкили ҷалби сармоя ба он, фароҳам овардани шароити зарурӣ барои сохтмони Курорти байналмилалии умумимавсимии «Чимгон» дар ноҳияи Бӯстонлиқи вилояти Тошканд:

1. Ба эътибор гирифта шавад, ки байни Ҳукумати Ҷумҳурии Ӯзбекистон ва Ҳукумати Ҷумҳурии Фаронса 10 майи соли 2021 Протоколи молиявӣ оид ба татбиқи лоиҳаи сохтмони Курорти байналмилалии умумимавсимии «Чимгон» (минбаъд – Лоиҳа), мувофиқи протоколи мазкур 22 ноябри соли 2022 – Созишнома дар бораи татбиқи ҷалби маблағҳои қарз ба миқдори 47,9 миллион евро байни Ҳукумати Ҷумҳурии Ӯзбекистон ва Ҳукумати Ҷумҳурии Фаронса имзо шуда буд. 
Вазорати адлия дар тартиби муқарраргардида оид ба Созишномаи татбиқ, ки байни Ҳукумати Ҷумҳурии Ӯзбекистон ва Ҳукумати Ҷумҳурии Фаронса имзо шудааст, хулосаи ҳуқуқӣ диҳад. 
2. Ба сифати таъминоти гарави қарзе, ки аз ҷониби ҶС «Бонки миллии фаъолияти иқтисоди хориҷии Ҷумҳурии Ӯзбекистон» ба миқдори 20 миллион доллари ИМА ҷудо карда шудааст, таҷҳизоте, ки дар доираи Лоиҳа корхонаи давлатии унитарии «Идораи лоиҳавии сохтмон ва истифодабарии Курорти умумимавсимии байналмилалии «Белдерсой – Чимгон – Нанай» (минбаъд – Идораи лоиҳавӣ) харид мекунад, муайян карда шаванд. 
3. Ҳангоми иҷрои корҳо оид ба гузарондани шабакаҳои берунии муҳандисӣ ва объектҳои инфрасохторӣ то сарҳади ҳудуди Лоиҳа аз ҷониби фармоишгарон муайян карда шаванд. 
КУ «Ширкати инжинирингии сохтмони объектҳои таъминоти об ва канализатсия»-и ҶС «Ӯзсувтаъминот» – оид ба сохтмони шабакаҳои таъминоти об ва обҳои партов; 
ҶС «Шабакаи минтақавии барқӣ» – оид ба таъминоти қувваи барқ;
Кумитаи оид ба роҳҳои автомобилгард – оид ба сохтмони  роҳҳои автомобилии таъиноти давлатӣ дар ҳудуди Лоиҳа (бо назардошти насби равшании беруна ва корҳои ободонии канори роҳ), кашидани роҳҳои муваққатӣ то истгоҳи миёна дар баландии 2515 метр дар доираи Лоиҳа;
ҶС «Ӯзбектелеком» – бинобар кашидан ва насби шабакаҳои телекоммуникатсионӣ.
Ташкилотҳои фармоишгар дар муҳлати ду моҳ бо роҳи савдоҳои озмунӣ (тендерӣ)-и ба тартиби муқарраршуда гузаранда ташкилотҳои лоиҳавиро муайян  ва оғози корҳои лоиҳакаширо таъмин намоянд. 
4. Вазорати экология, ҳифзи муҳити зист ва тағйирёбии иқлим, Вазорати иқтисодиёт ва молия, Вазорати энергетика, Вазорати технологияҳои рақамӣ, Кумитаи роҳҳои автомобилгард, ҶС «Шабакаҳои минтақавии барқӣ», ҶС «Ӯзсувтаъминот» ва ҶС «Ӯзбектелеком» пайвастани корҳои сохтмониву муҳандисиро оид ба сохтмони объектҳои инфрасохтори берунии муҳандисӣ ва объектҳои инфрасохториро то сарҳади ҳудуди Лоиҳа дар Барномаи рушди инфрасохтори иҷтимоӣ ва истеҳсолии Ҷумҳурии Ӯзбекистон барои соли 2024, инчунин маблағгузории онҳоро дар доираи барномаи мазкур аз ҳисоби маблағе, ки барои таъмини инфрасохтори муҳандисиву коммуникатсионии минтақаҳо пешбинӣ шудаанд, таъмин кунанд.
5. Ба эътибор гирифта шавад, ки дар асоси Кодекси гумруки Ҷумҳурии Ӯзбекистон ба молҳое, ки шахсони ҳуқуқӣ дар доираи лоиҳаҳои дар Ҷумҳурии Ӯзбекистон татбиқшаванда харида, пурра ё қисман аз ҳисоби маблағҳои (қарзҳо, вомҳо) институтҳои байналмилалии молиявӣ ва созмонҳои хориҷии ҳукуматии молиявӣ мувофиқи шартномаҳои байналмилалии Ҷумҳурии Ӯзбекистон бо маблағ таъмин карда мешаванд, дар шакли озод кардан аз боҷи гумрукӣ имтиёзҳои тарифӣ дода мешавад.
Пӯшондан (баргардондан)-и маблағи андози аз арзиши иловагӣ ҳосилшуда ба таври фаврӣ таъмин карда шавад. 
6. Дар доираи татбиқи лоиҳа ташкилотҳои нақлиётӣ аз пардохти боҷҳо барои ворид шудан ба қаламрави гумрукии Ҷумҳурии Ӯзбекистон ва пардохтҳо барои убури воситаҳои нақлиёти вазнин ва калонҳаҷм дар роҳҳои истифодаи умуми Ҷумҳурии Ӯзбекистон дар доираи шартномаҳои бо Идораи лоиҳавӣ имзошуда озод карда шаванд. 
7. Дар доираи татбиқи Лоиҳа ба Идораи лоиҳавӣ, ташкилотҳои генералии пудратӣ ва лоиҳавӣ иҷозат дода шавад, ки дар анборҳои ташкилотҳои пудратӣ мол, таҷҳизот ва ҷиҳозҳое, ки ба Ҷумҳурии Ӯзбекистон ворид карда мешаванд, бо расмигардонии онҳо дар тартиби гумрукии «анбори гумрукӣ» ҷойгир намояд.
8. Дар доираи татбиқи Лоиҳа ба муҳлати то 31 декабри соли 2024:
Ба идораи лоиҳавӣ ба таври истисно иҷозат дода мешавад, ки корҳои сохтмониву монтажиро қисман берун аз объектҳои муҳандисиву коммуникатсионӣ ва инфрасохторӣ дар як вақт бо коркарди ҳуҷҷатҳои лоиҳавию сметавӣ (лоиҳакашии паралелӣ) анҷом диҳад;
ба назар гирифта шавад, ки фаъолияти лоиҳавӣ дар ҳудуди Ҷумҳурии Ӯзбекистон аз ҷониби ташкилотҳои ҷалбшудаи пудратӣ ва узви Консорсиуми ширкати фаронсавӣ – ширкати «Patriarche» Фаронса мувофиқи қонунгузориҳои ҷорӣ дар асоси ҳуҷҷатҳои иҷозатдиҳӣ (литсензия), ки мақомоти ваколатдор, ташкилотҳо ҷамъиятҳо ва иттиҳодияҳои давлатҳои узви Созмони ҳамкории иқтисодӣ ва рушд додаанд, амалӣ гардонда мешаванд. 
9. Аз замимаи №2 ба қарори Президенти Ҷумҳурии Ӯзбекистон аз 24 марти соли 2023 №ҚП-102 «Дар бораи чораҳои иловагӣ оид ба коҳиш додани иштироки давлат дар иқтисодиёт» мавқеҳои 592 ва 666 хориҷ карда шаванд.
10. Ба зиммаи вазири экология, ҳифзи муҳити зист ва тағйирёбии иқлим А. А. Абдуҳакимов барои ташкили самарабахши иҷрои қарори мазкур масъулияти шахсӣ гузошта шавад. 
Мавриди муҳокимаи рафти иҷрои қарори мазкур, мувофиқгардонӣ ва назорати фаъолияти ташкилотҳои барои иҷрои онҳо масъул ба зиммаи Сарвазири Ҷумҳурии Ӯзбекистон А. Н. Арипов гузошта шавад.

Президенти Ҷумҳурии Ӯзбекистон 
Ш. МИРЗИЁЕВ
Шаҳри ТОШКАНД, 8 августи соли 2023.