Тӯфони магнитӣ ба Замин наздик шуда, имрӯз, 12 феврал ба авҷи худ мерасад.
Дар ин бора хадамоти гелиогеофизики Институти геофизикаи амалӣ хабар додааст.
Сабаби пайдоиши ин падида дар Офтоб оташ задани дараҷаи X хоҳад буд - ин пурқувваттарин синфҳои оташакҳои офтобӣ аст, астрономҳо онро барои сокинони Замин хатарноктарин медонанд. Дар натиҷаи тӯфони магнитӣ дар тамоми сайёра алоқаи радиомавҷи кутоҳ вайрон шуда метавонад. Илова бар ин, дар арзҳои гирду атроф, мамониат дар кор навигатсияҳо аз эҳтимол дур нест.
Як қатор коршиносон инчунин ҳушдор медиҳанд, ки ин падида метавонад ба саломатии одамони вобаста ба обу ҳаво таъсир расонад. Онҳо метавонанд худро бад ҳис кунанд, аз ҷумла чарх задани сар, дарди буғумҳо ва болоравии фишор. Тағйирёбии кайфият, хурӯҷи изтироби нофаҳмо, ҳаяҷон ё баръакс, бепарвоӣ низ эҳтимол дорад.
Пеш аз ин дар охири моҳи январ тӯфони магнитии мӯътадил мушоҳида шуда буд, ки ин ҳодиса на бештар аз як рӯз давом мекард. Дар ҳамин ҳол, олимон ҳушдор доданд, ки имсол тӯфони магнитӣ бештар мешавад - ҳар моҳ ду ё се маротиба.
