Бино бар истиноди хадамоти матбуоти Вазорати тандурустии Ӯзбекистон теъдоди сироятшудагони коронавирус боз 30 нафар зиёд шуда, акнун ба 1 657 нафар расидааст.
Бино бар истиноди хадамоти матбуоти Вазорати тандурустии Ӯзбекистон теъдоди сироятшудагони коронавирус боз 30 нафар зиёд шуда, акнун ба 1 657 нафар расидааст.
Комиссияи махсуси зидди коронавирус маҳдудиятҳои крантиниро то 10 май тамдид кард.
«Ба ҳолати 20 апрели соли 2020, соати 18.00 дар Ӯзбекистон теъдоди мубталоёни коронавирус аз 1604 нафар иборат мебошад»,- гуфта мешавад дар изҳороти шабакаи барқиявии «Telegram» -и Вазорати тандурустӣ. Рӯзи якшанбе боз 75 ҳолати нави сирояти COVID-19 ба қайд гирифта шудааст.
Шумораи гирифторони COVID-19 дар ИДМ меафзояд: дар Россия беш аз 52 ҳазор нафар аз коронавирус сироят ёфтаанд
Бинобар маълумоти охирини Созмони умумиҷаҳонии тандурустӣ (СУТ) шумораи шахсони гирифтор ба навъи нави коронавируси COVID-19 дар Россия 5 642 нафар зиёд шуда, 52 763 касро ташкил медиҳад. Теъдоди беморони шифоёфта дар ин давлат 3 873 нафар ва шумораи фавтидагон 456 кас мебошад. Россия аз рӯи шумораи сироятёфтагон дар ҷаҳон дар ҷойи 10-ум қарор дорад.
Дар Беларус ва Украина, ки дар ҳудуди Иттиҳоди Давлатҳои Мустақил (ИДМ) баъд аз Россия шумораи зиёди ҳолатҳои сироятёбӣ ба ин бемориро ба қайд гирифтаанд, мутаносибан 6 264 ва 6 125 нафар ба коронавирус мубтало шудаанд. Дар Беларус 51 нафар фавтида ва 514 кас шифо ёфтаанд. Дар Украина нисбат ба Беларус шумораи ҳолатҳои фавт зиёдтар буда, 161 нафарро ташкил медиҳад. Ҳамчунин дар он 367 нафар табобат шуда, ба манзили зист баргаштанд.
Дар Молдова 2 548 ҳолати сироятёбӣ тасдиқ гардида, аз онҳо 457 нафар шифо ёфтаанд ва 70 каси дигар вафот кардаанд.
Дар Осиёи Марказӣ - Қазоқистон ва Қирғизистон имрӯз мутаносибан 115 ва 22 ҳолати нави сироятёбӣ ошкор гардида, шумораи беморон дар онҳо 1967 ва 590 нафарро ташкил медиҳад. Дар Қазоқистон аз шумораи умумии сироёятшудагон 452 нафар шифо ёфта, 19 кас фавтидаанд. Дар Қирғизистон 216 нафар табобат шуда, 7 каси дигар фавтидаанд.
Шумораи беморони гирифтор ба навъи нави коронавируси COVID-19 дар Арманистон 1 401 нафар ва дар Озарбойҷон 1 436 кас мебошад. Дар Арманистон 609 нафар ва дар Озарбойҷон 791 кас табобат шудаанд. Дар ҳар ду давлат мутаносибан 24 ва 19 нафар фавтидаанд.
Дар Афғонистон шумораи мубталоён ба коронавирус 1 026 нафарро ташкил медиҳад, ки 135 нафари онҳо шифо ёфта, 35 тани дигар вафот кардаанд.
Тибқи маълумоти нави СУТ, ҳамагӣ дар ҷаҳон 2 миллиону 494 ҳазору 915 нафар ба коронавирус гирифтор шудаанд, ки аз ин шумора 171 ҳазору 249 нафар вафот карда, 658 ҳазору 009 кас шифо ёфтаанд ва 57 ҳазору 338 тан дар ҳолати вазнин қарор доранд.
Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ба ҷуз аз Россия ҳамчунин ИМА (792 938 нафар), Испания (200 210), Италия (182 228), Франсия (155 383), Германия (147 065), Британияи Кабир (124 743), Туркия (90 980), Эрон (83 505) ва Чин (82 758) дохил мешаванд.
Аз рӯи хабарҳои матбуоти хориҷ таҳия гардид.
