Президент Шавкат Мирзиёев ба мақсади шинос шудан бо шароити зиндагии аҳолӣ 14 март ба вилояти Сирдарё рафт.

Сарвари давлат бо раиси Идораи мусулмонони Ӯзбекистон, муфтӣ Нуриддином Холиқназаров суҳбати самимӣ анҷом дод. Дар мулоқот дар бораи корҳо дар соҳаи маънавияту маърифат, фазилатҳои моҳи шарифи Рамазон сухан рафт.

Тавре маълум аст, 11-уми март мусулмонони кишвари мо мисли тамоми уммати исломии ҷаҳон ин моҳи муборакро бо шодӣ истиқбол гирифтанд. Ҳамватанони мо, ки рӯза медоранд, ибодатҳои динии худро дар фазои сулҳу осоиштагӣ анҷом медиҳанд. Дар масҷидҳо Қуръон тиловат карда, ба манфиати мардуми мо дуоҳои сулҳу осоиштагӣ, фаровонӣ ва ободӣ карда мешаванд.

Муфтӣ қайд кард, ки дар ин айёми дурахшон хислатҳои таҳаммулпазирӣ ва саховатмандӣ боз ҳам равшантар зоҳир гардида, ҳамватанони мо ба даъвати қалб пайравӣ намуда, барои афзун намудани корҳои хайр саъй мекунанд.

Президент дар бораи чӣ гуна сазоворона гузаронидани ин моҳ, зарурати қадр кардани сулҳ дар кишвар ва таҳкими фазои хайрхоҳӣ ва ёрии байниҳамдигарӣ ибрози андеша кард. Таъкид гардид, ки сиёсати баланд бардоштани шаъну шарафи инсон, таъмини манфиати мардум, дастгирии ниёзмандон идома хоҳад ёфт.

Инкишофи соҳибкорӣ, пурратар истифода бурдан аз имкониятҳои қитъаҳои наздиҳавлигӣ ва хонагӣ ҳамчун ҷиҳати муҳими баланд бардоштани дараҷаи некуаҳволии аҳолии деҳот қайд карда мешавад. Дар бораи аҳамияти ҳамчун шахсияти маърифатпарвару ватандӯст тарбия намудани ҷавонон, ба хондан ва меҳнатдӯстӣ даъват намудани онҳо мулоқот сурат гирифт.